பழனி நகர பகுதியில் அனுமதியின்றி மது விற்பனை செய்வது அதிகரித்து வருவதாக போலீசுக்கு ரகசிய தகவல் கிடைத்தது. அதன்பேரில் போலீசார் நகர் பகுதியில் ரோந்து சென்றனர். அந்த வேளையில் திண்டுக்கல் சாலையில் தனியார் மருத்துவமனை அருகே மது விற்றதாக மதுரை புதூரை சேர்ந்த வினோத்ராஜா (வயது 27) என்பவரை மடக்கி பிடித்து கைது செய்தனர். அவரிடம் இருந்து 75 மதுபாட்டில்கள் கைப்பற்றப்பட்டன . குளத்துரோடு பகுதியில் மது விற்ற திண்டுக்கல் குரும்பபட்டியை சேர்ந்த முத்துக்குமார் (40) என்பவரையும் கைது செய்தனர். மொத்தத்தில் அவரிடமிருந்து 70 மதுபாட்டில்கள் கைப்பற்றப்பட்டன .
அதைத்தொடர்ந்து அடிவாரம் பகுதியில் மது விற்றதாக பழனி தட்டான்குளத்தை சேர்ந்த செந்தில்குமார் (29), அடிவாரம் பூங்காரோட்டை சேர்ந்த கருப்பையா (24) ஆகியோரையும் போலீசார் கைது செய்தனர். அவர்களிடம் இருந்து 50 பாட்டில்கள் கைப்பற்றப்பட்டன .

ஆலங்குடி அருகே 100 வயதை கடந்த தம்பதி ஒருவர் பின் ஒருவர் தொடர்ந்து இறந்த சம்பவம் அந்த பகுதியில் சோகத்தை ஏற்படுத்தியது. புதுக்கோட்டை மாவட்டம் ஆலங்குடி அருகே உள்ள குப்பக்குடி ஏ.டி.காலனியை சேர்ந்தவர் வெற்றிவேல் (வயது 104). இவரது மனைவி பிச்சாயி (100). இவர்களுக்கு 5 மகன்கள், ஒரு மகள். அவர்கள் மூலம் பேரன்கள், கொள்ளு பேரன்கள் என மொத்தம் 23 பேர் உள்ளனர். நூறு வயதை கடந்து விட்ட நிலையிலும் யாருடைய உதவியும் இன்றி வெற்றிவேலும், பிச்சாயியும் மகன் ஒருவரின் வீட்டில் வாழ்ந்து வந்தனர். இந்நிலையில் கடந்த சில மாதங்களாக இருவருக்கும் உடல் நிலை பாதிக்கப்பட்டது. இதனால் நன்றாக எழுந்து நடமாடி வந்த அவர்கள் படுத்த படுக்கையாகினர். அவர்களை அவரது மகன்களும், மகளும் கவனித்து வந்தனர். நேற்றிரவு வெற்றிவேலுவுக்கு திடீரென நெஞ்சுவலி ஏற்பட்டது. உடனே அவரை அவரது மகன்கள் மற்றும் உறவினர்கள் சிகிச்சைக்காக மருத்துவமனைக்கு கொண்டு செல்ல முயற்சித்தனர். ஆனால் சிறிது நேரத்தில் அவர் உயிரிழந்தனர் . அப்போது கணவர் இறந்ததை அறிந்த பிச்சாயி மிகவும் சோகத்துடன், வெற்றிவேல் உடல் அருகே அமர்ந்து அழுது கொண்டிருந்தார். அவரை அவரது உறவினர்கள் தேற்றினர். ஆயினும் அவரால் அழுகையை கட்டுப்படுத்த முடியவில்லை. மிகவும் உடல்நிலை பாதிக்கப்பட்ட நிலையில் இரவு முதல் இன்று அதிகாலை வரை சோகத்தில் இருந்த பிச்சாயி திடீரென மயக்கமடைந்தார். இதைப்பார்த்து அதிர்ச்சியடைந்த உறவினர்கள் அவரை எழுப்ப முயன்ற போது அவரும் இறந்து போனது தெரியவந்தது.

போரூர் அருகே கே.கே.நகர், அசோக் நகர் உள்ளிட்ட பகுதிகளில் உள்ள கடைகளில் தடை செய்யப்பட்ட குட்கா விற்பனை செய்யப்படுவதாக ரகசிய புகார்கள் கிடைத்திருந்தன . இதையடுத்து போலீசார் தீவிர கண்காணிப்பில் ஈடுபட்டு வந்தனர். இந்த வேளையில் கே.கே. நகர் சிவலிங்கபுரத்தில் உள்ள வீட்டில் குட்கா பதுக்கி வைத்து இருப்பதாக தகவல் கிடைத்தது. அந்த வீட்டில் போலீசார் சோதனை செய்தனர். அப்போது அங்கு மூட்டையில் குட்கா பதுக்கி வைத்து இருப்பது கண்டுபிடிக்கப்பட்டது. அப்போது அங்கு வைத்திருந்த 20கிலோ குட்காவை பறிமுதல் செய்தனர். அப்போது வீட்டின் உரிமையாளர் முகமது ரியாஸ் என்பவரை கைது செய்தார்கள் .

போரூர் அருகே கே.கே.நகர், சிவன் பூங்காவில் சந்தேகபடும் படி மூன்று பெண்கள் சுற்றி திரிவதாக போலீசாருக்கு ரகசிய தகவல் கிடைத்தது. அதன்பேரில் போலீசார் விரைந்து சென்று மூன்று பெண்களை பிடித்து விசாரணை நடத்தினர். அவர்கள் தூத்துக்குடி மாவட்டத்தைச் சேர்ந்த தேவி, காளியம்மாள், இசக்கியம்மாள் என தெரிய வந்தது. இவர்கள் 3 பேரும் சென்னையின் பல்வேறு இடங்களில் தனியாக செல்லும் பெண்கள் மற்றும் வயதானவர்களை நோட்டமிட்டு கவனத்தை திசைதிருப்பி அவர்களிடம் இருந்து கைப்பை, மணிபர்ஸ் ஆகியவற்றை திருடிவிட்டு போலீசில் சிக்காமல் சொந்த ஊருக்கு தப்பி சென்றுவிடுவார்கள் . அப்படியிருக்க கடந்த சனிக்கிழமை தூத்துக்குடியில் இருந்து சென்னைக்கு மீண்டும் திருட்டில் ஈடுபட வந்ததாக கூறியுள்ளனர்.

இந்த சம்பவம் பற்றிய விவரம் வருமாறு. சோழவரத்தை அடுத்த காரனோடையைச் சேர்ந்தவர் சம்பத். இவர் ஒரு விவசாயி. இவருடைய தங்கை மலர். நிலத்தகராறு தொடர்பாக இவர்கள் இரண்டு பேருக்கும் தகராறு நீடித்து வந்தது. இந்த வேளையில் மோட்டார்சைக்கிளில் சென்ற சம்பத்தை அவரது தங்கை மகன் தினேஷ் தனது நண்பருடன் சேர்ந்து அரிவாளால் வெட்டினார். இதில் படுகாயம் அடைந்த சம்பத்தை ஸ்டான்லி மருத்துவமனையில் சேர்த்தனர். அங்கு அவரது நிலைமை கவலைக்கிடமாக உள்ளது. இந்த சம்பவம் தொடர்பாக சோழவரம் போலீசார் வழக்குப்பதிவு செய்து விசாரணை மேற்கொண்டு வருகின்றனர் .

பூந்தமல்லியை அடுத்து ஆவடியை சேர்ந்தவர் சிலம்பரசன். இவர் திருவல்லிக்கேணி காவல் நிலையத்தில் முதல்நிலை காவலராக பணியாற்றி கொண்டு வருகிறார்.இந்நிலையில் நேற்று இரவு அவர் பணி முடிந்து சாதாரண உடையில் மோட்டார் சைக்கிளில் வீட்டுக்கு புறப்பட்டார். அப்போது நள்ளிரவு 1 மணி அளவில் பூந்தமல்லி அருகே சென்னிகுப்பம் பைபாஸ் ரோட்டில் சென்ற போது வண்டியை நிறுத்திவிட்டு செல்போனில் பேசி கொண்டிருந்தார். அந்த நேரத்தில் அங்கு வந்த 3 மர்மஆசாமிகள் போலீஸ்காரர் சிலம்பரசனை தாக்கி அவரிடம் இருந்த செல்போனை பறித்து தப்பி சென்று விட்டனர். இதனால் அதிர்ச்சி அடைந்த சிலம்பரசன் அந்த வழியே ரோந்து வந்த பூந்தமல்லி போலீசாரிடம் தெரிவித்தார். உடனடியாக அனைத்து போலீசாரும் உஷார்படுத்தப்பட்டு தீவிர தேடுதலில் ஈடுபட்டனர். அப்போது ஆவடி சாலையில் நிறுத்தப்பட்டிருந்த லாரியின் கீழே பதுங்கி இருந்த மூன்று பேரை பிடித்தனர். அவர்கள் எல்லாவரும் 18 வயதுக்குட்பட்ட சிறுவர்கள் என்பதும், போலீஸ்காரர் சிலம்பரசனை தாக்கி செல்போன் பறித்து சென்றதும் தெரிய வந்தது .