இலங்கையில் திருகோணமலை மூதூர் காவல் பிரிவுக்குட்பட்ட பட்டித்திடல் பகுதியில் நாட்டுத் துப்பாக்கிகள் இரண்டுடன் குடும்பஸ்தர் ஒருவர் கைதுசெய்யப்பட்டுள்ளார் . இந்த தகவலை மூதூர் பொலிஸார் தெரிவித்துள்ளனர். இதில் தோப்பூர் பட்டித்திடல் பகுதியைச் சேர்ந்த 33 வயதுடைய ஒருவரே நேற்று காலை கைது செய்யப்பட்டுள்ளார் . காட்டில் சட்டவிரோதமாக வேட்டையாடப்பட்ட மான் இறைச்சி 2 கிலோகிராம், தேவாங்கு இறைச்சி 1 கிலோகிராம் மற்றும் 2 கத்திகள் போன்றவையும் கைதுசெய்யப்பட்ட நபரிடமிருந்து கைப்பற்றப்பட்டுள்ளதாக காவல்துறையினர் தெரிவிக்கின்றனர்.

இலங்கையில் வவுனியா திருநாவற்குளம் பகுதியில் வாள்வெட்டில் ஈடுபட்டிருந்த இரண்டு பேர் வவுனியா காவல்துறையினரால் கைதுசெய்யப்பட்டுள்ளனர். கடந்த நான்காம் தேதி குடி போதையில் இருந்த இளைஞர் குழு ஒன்று இளைஞர் ஒருவரை கண்மூடித்தனமாக கோடரியால் தாக்கியதில் அவர் படுகாயமடைந்திருந்தார். ஆயினும், வாள்வெட்டில் ஈடுபட்டவர்கள் தொடர்பான தகவல்களை வழங்க பொதுமக்கள் அஞ்சியதால் காவல்துறையினரால் யாரும் கைதுசெய்யப்படவில்லை. இப்படியிருக்கும் நிலையில் நேற்றய தினம் இந்த தாக்குதல் தொடர்பான காட்சிகள் சமூக வலைத்தளங்களில் வெளியாகியிருந்தது. இந்த விஷயம் தொடர்பாக நாடாளுமன்ற உறுப்பினர் கு.திலீபனின் கவனத்திற்கும் கொண்டுவரப்பட்டது. இந்நிலையில் விரைந்து நடவடிக்கைகளை …

இலங்கையில் சிலாபம் கோண்டாச்சிகுடா பகுதியில் நேற்றுமுன்தினம் கடற்படையினர் நடத்திய சிறப்பு நடவடிக்கையின் போது, கடல்வழியாக சட்டவிரோதமாக வெளிநாடு செல்ல முயன்ற 20 நபர்கள் கைது செய்யப்பட்டுள்ளனர். இந்த பகுதியில் பயணித்த சந்தேகத்திற்கிடமான நான்கு மூன்று சக்கர வாகனங்களை இடைநிறுத்திய கடற்படையினர் அவர்களிடம் நடத்திய சோதனைகளின்போதே சட்டவிரோதமாக வெளிநாடு செல்ல முயன்றது தெரியவந்துள்ளது. இதன்போது கைது செய்யப்பட்ட நபர்களில் 16 வயது சிறுவன் உட்பட 15 ஆண்களும், 13வயது சிறுமி உட்பட ஐந்து பெண்களும் அடங்குவர். மேலும் அவர்கள் முல்லைத்தீவு, யாழ்ப்பாணம், மன்னார், வத்தளை, புத்தளம் …

இலங்கையில் பல கொலைச் சம்பவங்களுடன் தொடர்புடைய பாதாள உலகக் குழுவின் உறுப்பினரான லொகுகே லசந்த பிரதீப் என்ற தங்கல்ல சுத்தா கைது செய்யப்பட்டுள்ளார். நீர்கொழும்பு பகுதியில் காவல் சிறப்பு பணிக்குழுவின் ஒழுங்கமைக்கப்பட்ட குற்றப்பிரிவு முன்னெடுத்த சிறப்பு தேடுதலில் இவர் கைது செய்யப்பட்டுள்ளார். ஹொரணையில் வசிக்கும் 39 வயதான இந்த கேடி நபர் 2006 மற்றும் 2007 காலப்பகுதியில் மாத்தறையில் பல நபர்களை கொலை செய்தது உள்ளிட்ட பல குற்றச்சாட்டுகள் இவர் மீது சுமத்தப்பட்டிருந்தன.

இலங்கையில் 98 பாஸ்போர்ட்களை தம்வசம் வைத்திருந்த மூன்று சந்தேக நபர்கள் கைது செய்யப்பட்டுள்ளனர். கடவுச்சீட்டுக்கு உரிமையானவர்களை சட்டவிரோதமாக ஆஸ்திரேலியாவுக்கு அனுப்பி வைப்பதற்கு குறித்த நபர்கள் முயன்று உள்ளதாக காவல்துறையினர் தெரிவித்தனர். மேலும் சந்தேக நபர்களிடமிருந்து இரண்டு லட்சத்து 10 ஆயிரம் ரூபாய் பணம் பறிமுதல் செய்யப்பட்டுள்ளதாகவும் காவல்துறையினர் மேலும் தெரிவித்தனர்.

இலங்கையில் கோட்டை பொலிஸாரின் ஜீப் வாகனத்தை சேதப்படுத்திய குற்றச்சாட்டில் ஜம்புரேவெல சந்திரரத்ன தேரர் கைது செய்யப்பட்டுள்ளார். நாட்டில் உயிரிழந்த இராணுவ வீரர்களின் மனைவிகளின் உரிமைகளுக்காக நேற்று முன்தினம் காலை போராட்டம் ஒன்று கொழும்பில் மேற்கொள்ளப்பட்டிருந்தது. அப்போது ” சிங்கலே அபி” அமைப்பின் தலைவரான ஜம்புரேவெல சந்திரரத்ன தேரர் உள்ளிட்ட குழு அந்த நேரத்தில் கொழும்பு கோட்டை பிரதேசத்தில் நடத்திய போராட்டத்தின் போது பொலிஸாரின் ஜீப் வாகனத்தை தாக்கி சேதப்படுத்தியுள்ள நிலையில் சட்டவிரோத கூட்டம் உள்ளிட்ட குற்றச்சாட்டுகள் தொடர்பாக தேரருடன் மேலும் ஒருவர் கைது செய்யப்பட்டுள்ளார் …

இலங்கையில் திருகோணமலை கந்தளாய் பகுதியில் விகாரைக்குச் சென்ற இரண்டு சிறுவர்களை பாலியல் துஷ்பிரயோகம் செய்த குற்றச்சாட்டில் பௌத்த பிக்கு ஒருவர் கைது செய்யப்பட்டுள்ளார். இதில் கைது செய்யப்பட்ட பிக்குவை இந்த மாதம் 9 ம் தேதி வரை விசாரணை காவலில் வைக்குமாறு கந்தளாய் நீதிமன்ற பதில் நீதிவான் மேனக்கா தமயந்தி நேற்று உத்தரவிட்டார். இப்படி விசாரணை காவலில் வைக்கப்பட்டுள்ளவர் தம்பலகாமம் 96 ம் கட்டை பகுதியைச் சேர்ந்த 55 வயதுடைய விகாராதிபதி எனவும் கூறப்பட்டுள்ளது.

சமீபத்தில் தென்னிலங்கையில் அடையாளம் தெரியாத ஆசாமிகளால் கடத்தப்பட்டு தாக்குதலுக்கு உள்ளாகிய சிங்கள ஊடகவியலாளர் சுஜீவ கமகே நேற்று இலங்கை மனித உரிமைகள் ஆணைக்குழுவில் புகார் செய்துள்ளார். இதில் தமக்கு ஏற்பட்ட நிலைமைக்கு காவல்துறையினரும் பொறுப்புகூற வேண்டுமென தெரிவித்து அவர் இந்த புகாரை முன்வைத்துள்ளார். சியரட்ட சிங்கள இணையத்தளத்தின் ஊடகவியலாளரான சுஜீவ கமகே, கொழும்பின் புறநகரான மீரிகம பகுதியில் வைத்து சமீபத்தில் கடத்தப்பட்டு கொழும்பு தெமட்டகொட பகுதியிலிருந்து காயங்களுடன் மீட்கப்பட்டிருந்தார்.

இலங்கையில் கல்கிஸ்ஸை காவல் பிரிவில் காலி வீதியில் ஒரு வீட்டின் அருகே கழுத்தில் பலத்த வெட்டுக்காயங்களுடன் நபர் ஒருவரின் பிணம் கண்டுபிடிக்கப்பட்டுள்ளது. கழுத்தில் வெட்டுக்காயங்களுடன் ஒருவர் விழுந்து கிடப்பதாக காவல்துறையினருக்கு அளிக்கப்பட்ட தகவலின் அடிப்படையில் பிணம் மீட்கப்பட்டுள்ளது. இதில் உயிரிழந்தவர் 22 வயதான கல்கிஸ்ஸை பகுதியில் வசிப்பவர் என அடையாளம் காணப்பட்டுள்ளார். இந்த சம்பவம் குறித்து கல்கிஸ்ஸை பொலிஸார் விசாரணையை முன்னெடுத்துள்ளனர்.

இலங்கையில் யாழ்.கோப்பாயில் நிலத்தை சுற்றி அடைக்கப்பட்டு இருந்த வேலிக் கதியாலை வெட்டி எரியூட்டிய போது அதனை தடுத்த நில உரிமையாளர் மீது தாக்குதல் நடத்தப்பட்டுள்ளது. இது தொடர்பாக கோப்பாய் காவல் நிலையத்தில் புகார் பதிவு செய்யப்பட்டுள்ளது. கோப்பாய் மத்தி நீமசிட்டி பகுதியில் நேற்று அதிகாலை 8 மணியளவில் நடைபெற்ற இந்த சம்பவம் தொடர்பாக மேலும் கூறப்படுவதாவது , ஒருவர் வேலிக் கதியாலை வெட்டி எரித்துக் கொண்டிருந்தார். அப்போது அதனை பார்த்த காணி உரிமையாளர் எரியூட்டியவருடன் வாய்தர்க்கத்தில் ஈடுபட்டார் . இந்த வாய் தர்க்கம் பின்னர் …