இலங்கையில் மேல் மாகாணத்தில் பள்ளிகள் மீண்டும் திறப்பதற்காக சுகாதார ஆலோசனையின் படி கடுமையான திட்டம் வகுக்கப்படும் என்று கல்வியமைச்சர் ஜி.எல். பீரிஸ் கூறியுள்ளார் .இந்நிலையில், மேல் மாகாண பள்ளிகளின் அனைத்து தரங்களையும் 2 வாரத்திற்குள் ஆரம்பிப்பது தொடர்பான சிறப்பு கலந்துரையாடல் நேற்று கல்வியமைச்சகத்தில் நடைபெற்றுள்ளது .இதில் சுகாதார பிரிவு கொரோனா தொற்று பரவலை தடுக்கும் ஜனாதிபதி செயலணி உள்ளிட்ட பல பிரிவின் பங்களிப்புடன் இந்த பேச்சுவார்த்தை நடைபெறவுள்ளதாக கல்வியமைச்சகத்தின் தகவல்கள் கூறுகின்றன.

இலங்கையில் மின்னஞ்சல் மூலமாக விமான நிலைய பணிக்குழுவினருக்காக கொரோனாவுக்கு எதிராக தயாரிக்கப்பட்ட கூறும் தம்மிக்கவின் பாணியை கொள்வனவு செய்யுமாறு அறிவிக்கப்பட்டுள்ளதாக நாடாளுமன்றத்தில் கூறப்பட்டுள்ளது. இது தொடர்பாக நேற்றைய தினம் நாடாளுமன்ற உறுப்பினர் அசோக அபேசிங்க மன்றில் கேள்வி எழுப்பியிருந்தார். அப்போது பேசிய அவர், விமான நிலைய பணிக்குழாமினருக்காக கொரோனா தடுப்பதாக கூறப்படும் தம்மிக்க பாணியை கொள்வனவு செய்யுமாறு அறிவித்து மின்னஞ்சல் ஊடாக தகவல் பரிமாறப்பட்டுள்ளதாக சொல்லியிருந்தார். இது சம்பந்தமாக விமான நிலைய மற்றும் விமான சேவைகள் வழிநடத்தல் பணிப்பாளர் சேஹான் சுமனசேகரவிடம் கொழும்பு ஊடகம் …

இலங்கையில் தமிழ் மக்களின் மத மற்றும் கலாச்சார மரபுரிமைகளை ஒடுக்கும் விதத்தில் தொல்பொருள் ஆய்வு நடவடிக்கைகள் முன்னெடுக்கப்படமாட்டாது என்று தேசிய மரபுரிமைகள், கலைகலாசார அலுவல்கள் இராஜாங்க அமைச்சர் விதுர விக்ரமநாயக்க கூறியுள்ளார் .இதில் குருந்தூர் மலை தொல்பொருள் அகழ்வு பணிகள் குறித்து ஊடகம் ஒன்றுக்கு வழங்கிய பேட்டி யிலேயே அவர் இவ்வாறு குறிப்பிட்டுள்ளார். அப்போது பேசிய அவர், முல்லைத்தீவு பிரதேசத்தில் குருந்தூர் மற்றும் மணலாறு படலைகல்லு பகுதியில் பௌத்த விகாரைகள் மற்றும் பௌத்த துறவிகள் வாழ்ந்தமைக்கான சான்றாதாரங்கள் கிடைக்கப் பெற்றதை தொடர்ந்து தொல்லியல் திணைக்களம் …

இலங்கையில் கொரோனா தடுப்பூசிகளை பெற்றுக்கொண்டவுடன் முதலில் முப்படைகளுக்கும், பொலிசாருக்கும், சுகாதார தரப்பினருக்கும் இலவசமாக வழங்கப்படும் என்று சுற்றுலாத்துறை அமைச்சர் பிரசன்ன ரணதுங்க கூறியுள்ளார் .இதில் நாடாளுமன்றத்தில் சமீபத்தில் கொண்டுவரப்பட்ட நிதி அமைச்சின் கீழான விசேட வியாபார பண்ட அறவீட்டு சட்டத்தின் கீழான கட்டளைகள் மீதான விவாதத்தில் பேசும் போதே அவர் இந்த தகவலை தெரிவித்தார்.

இலங்கையில் வடக்கு மாகாணத்தில் நேற்று மட்டும் 32 பேருக்கு கொரோனா தொற்று கண்டறியப்பட்டுள்ளதாக யாழ். போதனா மருத்துவமனைப் பணிப்பாளர் த.சத்தியமூர்த்தி தெரிவித்துள்ளார். இதன்பிரகாரம் , வவுனியா மாவட்டத்தில் 25 பேரும் யாழ்ப்பாண மாவட்டத்தில் ஐவரும் அடையாளம் காணப்பட்டுள்ளதோடு மன்னாரில் இருவருக்கு தொற்று கண்டறியப்பட்டுள்ளது. அதே சமயம் மன்னார் பொது வைத்தியசாலை தனிமைப்படுத்தல் விடுதியில் சிகிச்சை பெற்று உயிரிழந்தவருக்கு கொரோனா வைரஸ் தொற்று உள்ளது உறுதிசெய்யப்பட்டுள்ளது. இதில் மன்னார் உப்புக்குளத்தைச் சேர்ந்த 57 வயதுடைய ஒருவரே இப்படி உயிரிழந்துள்ளார்.

இலங்கையில் கொரோனா தொற்றுக்குள்ளான மேலும் நான்கு பேர் உயிரிழந்துள்ளதாக சுகாதார சேவைகள் பணிப்பாளர் நாயகம் உறுதிப்படுத்தியிருக்கிறார் . இதன்பிரகாரம் , நாட்டில் கொரோனா தொற்றுக்கு உள்ளாகி உயிரிழந்தோரின் மொத்த எண்ணிக்கை 274 ஆக அதிகரித்துள்ளது. இதில் அரநாயக்க பிரதேசத்தைச் சேர்ந்த 68 வயதுடைய ஆணொருவரும், கொழும்பு 6 பிரதேசத்தைச் சேர்ந்த 48 வயதுடைய பெண் ஒருவரும், மாளிகாவத்தை பிரதேசத்தைச் சேர்ந்த 70 வயதுடைய பெண் ஒருவரும், மன்னார் ‘சைட் சிட்டி’ பகுதியைச் சேர்ந்த 61 வயதுடைய நபர் ஒருவமே சமீபத்தில் பலியாகியுள்ளனர்.

தற்போது வெளிநாட்டுப் பறவை இனங்கள் சில திருகோணமலை – கிண்ணியா பகுதிகளில் பருவகால இடப்பெயர்வு செய்து மக்களை வியப்பிற்கு உள்ளாக்கியுள்ளது. இந்த பறவைகள் கூட்டம் கூட்டமாக கண்ணா காட்டுப்பகுதியில் மாலை வேளைகளில் இருப்பதை கவனிக்க முடிகிறது. அதிலும் கிண்ணியா கலப்பு பகுதியானது ஒரு புறம் கடல் பகுதிகளையும் மறுபுறம் பசுமையான இடங்களையும் கொண்டுள்ள இடமாகும். இந்த விஷயத்தை மையமாகக் கொண்டு கொக்குகள் இடம்பெயர்ந்து பிரதேசத்தை வாழ்விடமாகக் கொண்டு வந்துள்ளன.

இலங்கையில் யாழ். மாநகர பொதுச் சுகாதார மருத்துவ அதிகாரி பிரிவில், ஒரே குடும்பத்தைச் சேர்ந்த 5 பேருக்கு கொரோனா வைரஸ் தொற்று உள்ளமை கண்டறியப்பட்டுள்ளது. இதில் கொழும்பிலிருந்து யாழ்ப்பாணத்துக்கு வருகை தந்து, சுயதனிமைப்படுத்தலில் இருந்த அவர்களுக்கு, முன்னெடுக்கப்பட்ட பிசிஆர் பரிசோதனையிலேயே தொற்று உள்ளமை உறுதிப்படுத்தப்பட்டது என வடமாகாண சுகாதார சேவைகள் பணிப்பாளர், மருத்துவர் ஆ.கேதீஸ்வரன் கூறினார் .

இலங்கையில் மிஹிந்தலை பிரதேச சபை இன்று காலை கூடிய போது குடி போதையில் இருந்த ஒருவரால் பெரும் பதற்றம் நிலவியுள்ளது. அப்போது குடிபோதையில் இருந்த ஐக்கிய தேசியக் கட்சி உறுப்பினர் இந்திக ருக்ஷன் ராஜபக்ஷ சபையின் எதிர்க்கட்சி தலைவரின் கன்னத்தில் அறைந்துள்ளார். இந்த சம்பவத்தையடுத்து சபையின் நிலைமையை கட்டுப்படுத்த பொலிஸார் வரவழைக்கப்பட்டதுடன், இந்திக ருக்ஷன் ராஜபக்ஷ உடனடியாக கைது செய்யப்பட்டிருக்கிறார் .

நேற்றைய தினம் இலங்கையில் மேலும் 337 புதிய கொரோனா தொற்றுகள் பதிவாகி உள்ளன. இதனை  இராணுவத் தளபதி ஜெனரல் ஷவேந்திர சில்வா உறுதிப்படுத்தினார். அதன் பிரகாரம் , நாட்டில் பதிவான கோவிட் -19 வழக்குகளின் எண்ணிக்கை 54,087 ஐ தொட்டுள்ளது . இந்நிலையில் சுகாதார அமைச்சகத்தின் தரவுகளின்படி, உறுதிப்படுத்தப்பட்ட நோயாளிகளில் 46,594 பேர் வைரஸிலிருந்து முழுமையாக மீண்டு வந்துள்ளனர்.