மஸ்கட் – கோழிக்கோடு – கொச்சி ஏர் இந்தியா எக்ஸ்பிரஸ் விமானம் தாமதமானது. வியாழக்கிழமை காலை 11.40 மணிக்கு மஸ்கட்டில் இருந்து புறப்பட வேண்டிய ஏர் இந்தியா எக்ஸ்பிரஸ் விமானம் IX 442 பல மணி நேரம் தாமதமானது. வழியில் மும்பையில் விமானம் அவசரமாக தரையிறக்கப்பட்டது. மதியம் மூன்று மணிக்கு விமானம் புறப்பட்டது. ஆனால் பல மணி நேரம் கழித்து அந்த விமானம் இரவு நேரத்தில் மும்பை சர்வதேச விமான நிலையத்தில் தரையிறங்கியது. இதனால் நூற்றுக்கணக்கான பயணிகள் அவதியடைந்துள்ளனர். இரவு வெகுநேரமாகியும் மும்பையில் இருந்து கோழிக்கோடுக்கு விமானம் புறப்படவில்லை. மஸ்கட்டில் போர்டிங் பாஸ் எடுத்த பிறகு விமானம் தாமதமானது குறித்து தகவல் கிடைத்ததாக பயணிகள் தெரிவித்தனர். தொழில்நுட்பக் கோளாறு காரணமாக விமானம் புறப்படுவதில் தாமதம் ஏற்பட்டதாக ஏர் இந்தியா அதிகாரிகள் விளக்கம் அளித்துள்ளனர்.
