காசாவின் மருத்துவமனைகளில் பாதிக்கும் மேற்பட்டவை செயல்படவில்லை என உலக சுகாதார நிறுவனம் தெரிவித்துள்ளது. 36 மருத்துவமனைகளில் 22 மருத்துவமனைகள் தற்போது செயல்படவில்லை. எரிபொருள் தட்டுப்பாடு, இஸ்ரேலிய தாக்குதல்களில் ஏற்பட்டுள்ள கடுமையான முறிவுகள் மற்றும் பாதுகாப்பின்மை போன்ற காரணங்களால் மருத்துவமனைகளின் செயல்பாடுகள் பாதிக்கப்படுவதாக உலக சுகாதார நிறுவனம் தெரிவித்துள்ளது. தற்போதைய சூழ்நிலையில் காஸாவில் உடனடியாக போர் நிறுத்தம் அறிவிக்கப்பட வேண்டும். அவசர அறுவை சிகிச்சை செய்து நோயாளிகளுக்கு சிகிச்சை அளிக்க மருத்துவமனைகளில் அமைப்பு இருக்க வேண்டும். பொதுமக்களும் சுகாதார அமைப்பும் பாதுகாக்கப்பட வேண்டும். மனித உரிமைச் சட்டங்களை மதிக்க அனைவரும் தயாராக இருக்க வேண்டும் என்று உலக சுகாதார அமைப்பு ட்வீட் ஒன்றில் கேட்டுக் கொண்டுள்ளது.
