மூன்று வகையான வந்தே பாரத் ரயில்களை அறிமுகப்படுத்த ரயில்வே அமைச்சர் அறிவித்தார்

ரயில்வே அமைச்சர் அஸ்வினி வைஷ்ணவ் மூன்று வகையான வந்தேபாரத் ரயில்களை அறிமுகப்படுத்துவதாக அறிவித்தார். வந்தே சேர்கார், வந்தே மெட்ரோ மற்றும் வந்தே ஸ்லீப்பர்ஸ் ஆகிய மூன்று வகையான வந்தே பாரத் ரயில்கள் அடுத்த ஆண்டு பிப்ரவரி-மார்ச் மாதத்திற்குள் வந்து சேரும் என்று ரயில்வே அமைச்சர் உறுதியளித்தார். உத்தரகாண்ட் மாநிலம் டேராடூனில் இருந்து டெல்லி ஆனந்த் விஹார் டெர்மினல் ரயில் நிலையம் வரை இயக்கப்படும் புதிய வந்தே பாரத் ரயிலின் தொடக்க விழாவில் அவர் பேசினார்.

இதுபோன்ற உள்நாட்டிலேயே தயாரிக்கப்பட்ட அரை அதிவேக ரயில்கள் சதாப்தி, ராஜ்தானி மற்றும் உள்ளூர் ரயில்களுக்குப் பதிலாக இருக்கும். இவை சென்னையில் உள்ள ஒருங்கிணைந்த கோச் தொழிற்சாலையில் தயாரிக்கப்படுகின்றன. அடுத்த மூன்று-நான்கு ஆண்டுகளில், நாட்டின் ரயில்வே மிகவும் வலுவாக மாறும். வந்தேபாரத் ரயில்கள் மணிக்கு 160 கிமீ வேகத்தில் செல்லும் வகையில் தண்டவாளங்கள் அமைக்கப்படும் என்றும் ரயில்வே அமைச்சர் கூறினார்.