‘தளபதி 67’ படத்தின் OTD உரிமையை வாங்கிய பிரபல நிறுவனம்…!!!
லோகேஷ் கனகராஜ் இயக்கத்தில் விஜய் நடிப்பில் உருவாகியுள்ள படம் தளபதி 67. செவன் ஸ்கிரீன் ஸ்டுடியோஸ் சார்பில் லலித் குமார் தயாரிக்கும் இப்படத்திற்கு அனிருத் இசையமைக்கிறார். மாஸ்டர் படத்தின் வெற்றிக்கு பிறகு விஜய் மற்றும் லோகேஷ் மீண்டும் இணைந்திருப்பதால் படத்தின் மீதான எதிர்பார்ப்பு அதிகரித்துள்ளது. தளபதி 67 படத்தில் நடிகை த்ரிஷா, நடிகர் அர்ஜுன், பாலிவுட் நடிகர் சஞ்சய் தத், நடிகை பிரியா ஆனந்த், மன்சூர் அலிகான், இயக்குனர்கள் மிஸ்கின், கவுதம் வாசுதேவ் மேனன், டான்ஸ் மாஸ்டர் சாண்டி, மலையாள நடிகர் மேத்யூ தாமஸ் ஆகியோர் நடிப்பதாக படக்குழு அதிகாரப்பூர்வமாக அறிவித்துள்ளது. படத்தின் பூஜை வீடியோவை படக்குழு நேற்று வெளியிட்டது. இந்நிலையில் இப்படத்தின் புதிய அப்டேட் வெளியாகியுள்ளது. அதன்படி, தளபதி 67 படத்தின் OTD உரிமையை Netflix பெற்றுள்ளது. இதனை படக்குழுவினர் ஒரு போஸ்டரை வெளியிட்டு அறிவித்துள்ளனர். தளபதி 67 படத்தின் அப்டேட்கள் தொடர்ந்து வெளிவருவதால் ரசிகர்கள் உற்சாகத்தில் உள்ளனர்.