நியூசிலாந்துக்கு எதிரான டி20 தொடரை கைப்பற்றிய இந்தியா…!!!

இந்தியாவில் விளையாடி வரும் நியூசிலாந்து கிரிக்கெட் அணி, ரோஹித் சர்மா தலைமையிலான இந்திய அணிக்கு எதிரான ஒருநாள் தொடரை 0-3 என்ற கணக்கில் இழந்தது. இதையடுத்து 3 போட்டிகள் கொண்ட 20 ஓவர் தொடர் நடைபெற்றது. ராஞ்சியில் நடந்த முதல் போட்டியில் நியூசிலாந்து 21 ரன் வித்தியாசத்திலும், லக்னோவில் நடந்த 2வது போட்டியில் இந்தியா 6 விக்கெட் வித்தியாசத்திலும் வெற்றி பெற்றது. இந்தியா – நியூசிலாந்து அணிகளுக்கு இடையேயான தொடரை தீர்மானிக்கும் 3வது மற்றும் கடைசி 20 ஓவர் கிரிக்கெட் போட்டி குஜராத் மாநிலம் அகமதாபாத்தில் உள்ள நரேந்திர மோடி ஸ்டேடியத்தில் இன்று நடைபெற்றது.

டாஸ் வென்ற இந்திய கேப்டன் ஹர்திக் பாண்டியா முதலில் பேட்டிங் தேர்வு செய்தார். அதன்படி இந்திய அணியின் முதல் வீரர்களாக சுப்மான் கில் மற்றும் இஷான் கிஷான் ஆகியோர் களம் இறங்கினர். தொடக்கத்தில் இஷான் கிஷான் 1 ரன்னில் ஆட்டமிழந்தார். அடுத்து வந்த ராகுல் திரிபாதி அதிரடியாக விளையாடினார். கில் மற்றும் திரிபாதி இணைந்து நியூசிலாந்து அணியின் பந்துவீச்சை அழித்தனர். சிறப்பாக விளையாடிய ராகுல் திரிபாதி 22 பந்துகளில் 44 ரன்கள் எடுத்தார். அடுத்து வந்த சூர்யகுமார் யாதவ் 24 ரன்களில் ஆட்டமிழந்தார். பின்னர் களமிறங்கிய ஹர்திக் பாண்டியா மறுபுறம் கில் அரைசதத்தை கடந்தார்.

அதன்பிறகு அதிரடியாக மிரட்டி பந்துகளை சிக்ஸருக்கு பறக்கவிட்டார். கில் ஒரு பவுண்டரி மற்றும் ஒரு சிக்சர் அடித்து அசத்தலான சதம் அடித்தார். இது அவரது முதல் டி20 சர்வதேச சதம். இறுதியில், 20 ஓவர்கள் முடிவில் இந்திய அணி 4 விக்கெட் இழப்புக்கு 234 ரன்கள் குவித்தது. சப்மான் கில் 63 பந்துகளில் 126 ரன்களுடன் (12 பவுண்டரி, 7 சிக்சர்) ஆட்டமிழக்காமல் இருந்தார். 235 ரன்கள் எடுத்தால் வெற்றி என்ற கடினமான இலக்குடன் நியூசிலாந்து அணி களம் இறங்கியது. தொடக்கம் முதலே இந்திய அணியின் பந்துவீச்சு சூடுபிடித்தது. இதன் காரணமாக நியூசிலாந்து வீரர்கள் ஆட்டமிழந்து பெவிலியன் திரும்பினர்.

இறுதியில் நியூசிலாந்து அணி 12.1 ஓவரில் அனைத்து விக்கெட்டுகளையும் இழந்து 66 ரன்கள் மட்டுமே எடுத்தது. மிட்செல் அணியில் அதிகபட்சமாக 35 (25) ரன்கள் எடுத்தார். சிறப்பாக பந்து வீசிய இந்திய அணித்தலைவர் ஹர்திக் பாண்டியா 4 விக்கெட்டுகளையும், சிவம் மாவி, அர்ஷ்தீப் சிங், உம்ரான் மாலிக் ஆகியோர் தலா 2 விக்கெட்டுகளையும் கைப்பற்றினர். இதன் மூலம் நியூசிலாந்துக்கு எதிரான 3வது டி20 போட்டியில் இந்திய அணி 168 ரன்கள் வித்தியாசத்தில் அபார வெற்றி பெற்றது. மேலும் டி20 தொடரை இந்தியா 2-1 என கைப்பற்றியது.