சாக்லேட் பிரவுனி செய்வது எப்படி?

தேவையான பொருட்கள்
200 கிராம் குக்கிங் சாக்லேட்
115 கிராம் பட்டர்
200 கிராம் சர்க்கரை
120 கிராம் மைதா
3 முட்டை
2 மேஜைக்கரண்டி கோக்கோ பவுடர்
1 சிட்டிகை உப்பு
1 மேஜைக்கரண்டி வெண்ணிலா எசன்ஸ்
1/4 கப் முந்திரி & பாதாம்
பட்டர் பேப்பர் தேவையான அளவு

செய்முறை
முதலில் குக்கிங் சாக்லேட்டை டபுள் பாய்லிங் முறையில் உருக்கிக் கொள்ளவும்.
அடுப்பில் ஒரு பாத்திரத்தை வைத்து அதில் பாதி அளவு தண்ணீர் ஊற்றவும். தண்ணீர் நன்கு கொதித்ததும் தீயை மிதமான சூட்டிற்கு மாற்றிக் கொள்ளவும்.
பின்பு ஒரு சிறிய பாத்திரமோ அல்லது கிண்ணமோ எடுத்துக்கொண்டு அதில் குக்கிங் சாக்லேட்டை போட்டு கொதிக்கும் தண்ணீர் மேல் வைக்கவும். (இதுதான் டபுள் பாய்லிங் முறை).
இப்போது குக்கிங் சாக்லேட் உடன் வெண்ணெய் சேர்க்கவும். சாக்லேட்டும் வெண்ணெய்யும் சிறிது உருகியவுடன் இடிக்கியால் கிண்ணத்தை பிடித்துக் கொண்டு அதை ஒரு கரண்டியால் நன்கு கலக்கவும்.
இப்போது அந்தப் பாத்திரத்தை வெளியே எடுத்து உருகிய சாக்லேட் வெண்ணெய் கலவையை வேறு ஒரு பெரிய பாத்திரத்தில் ஊற்றிக் கொள்ளவும்.
பின்பு அதில் சர்க்கரையை சேர்த்து நன்கு கலக்கி அதை சிறிது நேரம் ஆறவிடவும்.
இந்த சாக்லேட் வெண்ணெய் கலவை ஆறுவதற்குள் ஒரு பௌலை எடுத்து அதில் 3 முட்டைகளை உடைத்து ஊற்றி நன்கு கலக்கிக் கொள்ளவும்.
பின்பு இந்த சாக்லேட் வெண்ணெய் கலவை நன்கு ஆறியவுடன் கலக்கி வைத்துள்ள முட்டைகளை கொஞ்சம் கொஞ்சமாக அந்த கலவையுடன் சேர்த்து நன்றாக கலக்கிக் கொள்ளவும்.
இப்போது இந்த கலவையுடன் கோக்கோ பவுடர் மற்றும் ஒரு மேஜைக்கரண்டி வெண்ணிலா essence சேர்த்து கலக்கிக் கொள்ளவும்.
அடுத்து ஒரு கப் மைதா மாவை இந்த கலவையுடன் சேர்த்து ஒரு சிட்டிகை உப்பை போட்டு கட்டி தட்டாமல் நன்கு கலக்கிக் கொள்ளவும்.
பின்பு கால் கப் முந்திரி மற்றும் பாதாமை சிறு துண்டுகளாக்கி இந்த கலவையுடன் சேர்க்கவும்.
அவனில் வைப்பதற்கு ஒரு tray வை எடுத்து அதன் ஓரங்களில் வெண்ணெய் தடவி நடுவில் பட்டர் பேப்பரை வைத்து இந்த கலவையை அதில் ஊற்றவும்.
அவனை 350 டிகிரி ஃபாரன்ஹீட் preheat செய்து இந்த tray வை உள்ளே வைத்து அவனை மூடவும். சரியாக இருபது நிமிடங்கள் கழித்து tray வை எடுத்தால் உங்கள் சூடான பிரவுனி ரெடி.

Leave a Reply

Your email address will not be published. Required fields are marked *