சரிந்து வரும் மேட்டூர் அணை நீர்மட்டம்

காவிரி நீர்ப்பிடிப்பு பகுதிகளில் போதிய மழை இல்லாததால் மேட்டூர் அணைக்கான நீர்வரத்து குறைந்து வருகிறது. ஒகேனக்கல் காவிரியில், நேற்று முன்தினம் விநாடிக்கு 5 ஆயிரம் கனஅடியாக இருந்த நீர்வரத்து, நேற்று காலை விநாடிக்கு 4 ஆயிரம் கனஅடியாக சரிந்தது. இதேபோல், மேட்டூர் அணைக்கு, நேற்று முன்தினம் காலை விநாடிக்கு 3,260 கன அடியாக இருந்த நீர்வரத்து, நேற்று காலை விநாடிக்கு 3,017 கன அடியாக சரிந்தது. இன்று காலை மேலும் நீர்வரத்து சரிந்து, 2,009 கன அடி தண்ணீர் வந்துகொண்டிருக்கிறது. அணையிலிருந்து டெல்டா பாசனத்திற்கு விநாடிக்கு 12,000 கனஅடியும், கிழக்கு மேற்கு கால்வாய் பாசனத்திற்கு விநாடிக்கு 400 கன அடியும் தண்ணீர் திறக்கப்பட்டு வருகிறது. அணைக்கு வரும் நீரின் அளவை விட, திறப்பு அதிகமாக இருப்பதால், நீர்மட்டம் தொடர்ந்து சரிந்து வருகிறது. இன்று காலை 8 மணியளவில் அணையின் நீர்மட்டம் 114.84 அடியாக உள்ளது.