மோடியிடம் இருந்து யாரும் எந்த உதவியையும் பெற முடியாது… பளிச்சென்று கூறிய கௌதம் அதானி..!!

கௌதம் அதானி கடந்த சில ஆண்டுகளாக தொடர்ந்து தனது வணிகத்தை விரிவுபடுத்தி வருகிறார். இதன் மூலம் உலக கோடீஸ்வரர்களில் ஒருவரான அவர், இந்தியாவின் டாப் பில்லியனர் என்ற சிறப்பையும் பெற்றார். இப்படிப்பட்ட சூழலில் பாஜகவுக்கு அரசு ஆதரவளிப்பதாகவும், அதன் காரணமாகவே அவர் இந்த அளவுக்கு வளர்ந்து வருவதாகவும் குற்றச்சாட்டுகள் எழுந்தன. இதுகுறித்து கவுதம் அதானி தனது பேட்டி ஒன்றில் விளக்கம் அளித்துள்ளார். அதில், பிரதமர் மோடியிடம் இருந்து யாரும் தனிப்பட்ட முறையில் எந்த உதவியையும் பெற முடியாது என்பதை தெரிவித்துக் கொள்கிறேன். தேச நலனுக்கான கொள்கைகளைப் பற்றி நீங்கள் அவரிடம் பேசலாம், ஆனால் ஒரு கொள்கை வகுக்கும் போது, அது அதானி குழுமத்திற்கு மட்டுமல்ல, அனைவருக்கும் பொருந்தும்.

ஒவ்வொரு மாநிலத்திலும் அதிகபட்ச முதலீடுகளைச் செய்ய விரும்புகிறோம். இன்று அதானி குழுமம் 22 மாநிலங்களில் செயல்படுகிறது. இது உண்மையில் எங்களுக்கு மகிழ்ச்சி அளிக்கிறது. நரேந்திர மோடி அரசு குறிப்பிட்ட முதலாளிகளுக்கு ஆதரவாக இருப்பதாக காங்கிரஸ் தொடர்ந்து குற்றம்சாட்டி வருகிறது. மேலும், பாஜக அரசை அம்பானி-அதானி அரசு என காங்கிரஸ் விமர்சித்து வருகிறது. நானும் பிரதமர் மோடியும் ஒரே மாநிலத்தை சேர்ந்தவர்கள். எனவே இது போன்ற ஆதாரமற்ற குற்றச்சாட்டுகள் வருவது புரிகிறது. 30 வருட கடின உழைப்புக்குப் பிறகுதான் இந்த நிலைக்கு வந்துள்ளோம். ராஜீவ் காந்தி பிரதமராக இருந்த காலத்தில், ஏற்றுமதி இறக்குமதி கொள்கை முதலில் தாராளமயமாக்கப்பட்டது. இது நமது வளர்ச்சியில் பெரும் பங்கு வகித்தது என்பது இப்போது பலருக்கு ஆச்சரியமாக இருக்கலாம்.” என்று கூறினார்..