தெலுங்கு அதிரடி நாடகமான அகண்டா இந்தியில் விரைவில் வெளியாகிறது; அதிர வைக்கும் டிரெய்லர் வெளியீடு

தெலுங்கு திரைப்பட இயக்குனர் போயபதி ஸ்ரீனுவின் 2021 ஆம் ஆண்டு தெலுங்கு அதிரடி நாடகமான அகண்டா திரைப்படம், பென் மூவீஸின் டாக்டர் ஜெயந்திலால் கடாவால் இந்தியில் ஜனவரி 20 ஆம் தேதி திரையரங்குகளில் வெளியிட தயாராக உள்ளது. நந்தமுரி பாலகிருஷ்ணா, பிரக்யா ஜெய்ஸ்வால் மற்றும் ஜெகபதி பாபு நடித்த இப்படம் விமர்சன ரீதியாகவும் வணிக ரீதியாகவும் வெற்றி பெற்றது. நந்தமுரி பாலகிருஷ்ணா நடித்த அகண்டா, காட்டில் நாடோடி வாழ்க்கை நடத்தும் சிவனின் கடுமையான மற்றும் அச்சமற்ற பக்தரான ருத்ர சிக்கந்தர் அகோராவின் கதையைச் சொல்கிறது. 2021 ஆம் ஆண்டில் அதிக வசூல் செய்த இரண்டாவது தெலுங்குப் படமாகவும், பாலகிருஷ்ணாவின் கேரியரில் அதிக வசூல் செய்த படமாகவும் அகண்டா ஆனது. துவாரகா கிரியேஷன்ஸ் பேனரின் கீழ் தயாரிக்கப்பட்ட இந்தப் படத்தின் திரைக்கதையை போயபதி ஸ்ரீனு எழுதியுள்ளார்.