கொரோனாவைக் கட்டுப்படுத்த சீனாவில் 45 ஆயிரம் காய்ச்சல் கிளினிக்குகள் திறக்கப்படும்

பெய்ஜிங்: சீனாவில் கடந்த சில நாட்களாக கொரோனா வேகமாக பரவி வருகிறது. தினசரி தாக்கம் புதிய உச்சத்தை எட்டியது. சீனாவில் 93 சதவீதத்திற்கும் அதிகமான மக்கள் இந்த நோய்க்கு தடுப்பூசி போடவில்லை. இதனால் தொற்று பரவாமல் தடுக்க கடுமையான கட்டுப்பாடுகள் விதிக்கப்பட்டன. பல நகரங்களில் மீண்டும் முழு ஊரடங்கு உத்தரவு அமல்படுத்தப்பட்டது. இதற்கு எதிர்ப்பு தெரிவித்து நாடு முழுவதும் பொதுமக்கள் போராட்டத்தில் ஈடுபட்டனர். இந்தப் போராட்டங்களால், அரசுக்கும் நெருக்கடி ஏற்பட்டது. பொதுமக்களின் எதிர்ப்பை ஏற்று சீனாவில் அனைத்து கட்டுப்பாடுகளும் தளர்த்தப்பட்டன. கொரோனா தடுப்பு மையங்களும் மூடப்பட்டன. தற்போது சோதனைகள் குறைக்கப்பட்டுள்ளதால், தினசரி பாதிப்பும் குறைந்துள்ளது. இந்நிலையில், கொரோனா வைரஸைக் கட்டுப்படுத்த சீனாவில் ஃப்ளூ கிளினிக்குகளை திறக்க அந்நாட்டு அரசு முடிவு செய்துள்ளது. அதன்படி, 47 பொது மருத்துவமனைகளில் 14 ஆயிரம் காய்ச்சல் கிளினிக்குகளும், சமுதாய மருத்துவமனைகளில் 31 ஆயிரம் கிளினிக்குகளும் திறக்கப்பட்டுள்ளன. பாதிக்கப்பட்டவர்கள் இந்த மருத்துவ மனைகளை பயன்படுத்திக்கொள்ளுமாறு அரசு கேட்டுக்கொள்கிறது.

Leave a Reply

Your email address will not be published. Required fields are marked *