மோசமான ஆட்டத்தால் ஒதுக்கப்படும் இந்திய கிரிக்கெட் வீரர்கள்..!!

இந்திய கிரிக்கெட் வீரர்கள் 4 பிரிவுகளாகப் பிரிக்கப்பட்டு, ஆண்டு ஊதியத்தின் அடிப்படையில் ஒப்பந்தங்கள் வழங்கப்படுகின்றன. இதன்படி ‘ஏ பிளஸ்’ பிரிவில் இடம் பெறும் வீரர்களுக்கு ரூ. 7 கோடி, ‘ஏ’ பிரிவு வீரர்களுக்கு ரூ.5 கோடி, ‘பி’ பிரிவு வீரர்களுக்கு ரூ.3 கோடி, ‘சி’ பிரிவு வீரர்களுக்கு ரூ.1 கோடி. அடுத்த சீசனுக்கான வீரர்களின் ஒப்பந்தப் பட்டியல் வரும் 21ஆம் தேதி நடைபெறும் கிரிக்கெட் வாரியத்தின் உயர்மட்டக் குழுக் கூட்டத்தில் இறுதி செய்யப்படும்.

இதில் சில அதிரடி மாற்றங்கள் இருக்கும் என்று எதிர்பார்க்கப்படுகிறது. இந்திய டி20 அணியின் எதிர்கால கேப்டனாக அடையாளம் காணப்பட்ட ஆல்-ரவுண்டர் ஹர்திக் பாண்டியா, சி பிரிவில் இருந்து குறைந்தபட்சம் பி கிரேடுக்கு உயர்த்தப்பட்டுள்ளார். முன்னாள் துணை கேப்டன் ரஹானே, மூத்த வேகப்பந்து வீச்சாளர் இஷாந்த் சர்மா, விக்கெட் கீப்பர் விருத்திமான் சாஹா ஆகியோர் டெஸ்ட் அணியில் இருந்து நீக்கப்பட்டுள்ளனர். இதனால், ஒப்பந்தப் பட்டியலில் இருந்து மூவரும் நீக்கப்படுவார்கள் என இந்திய கிரிக்கெட் வாரிய அதிகாரி ஒருவர் தெரிவித்தார்.

அதே சமயம் 20 ஓவர் போட்டியின் நம்பர் ஒன் பேட்ஸ்மேனான சூர்யகுமார் யாதவ் கடந்த ஒரு வருடமாக அதிரடியாக விளையாடி வருகிறார். அவர் ‘சி’யில் இருந்து ‘பி’ அல்லது ‘ஏ’ பிரிவுக்கு மாற்றப்படலாம் என்று தெரிகிறது. இதேபோல், சப்மேன் கில் ‘சி’யிலிருந்து ‘பி’ பிரிவுக்கு மாறுகிறார். சமீபத்தில் ஒருநாள் போட்டிகளில் இரட்டை சதம் அடித்த இஷான் கிஷான் ஒப்பந்த பட்டியலில் இடம் பெற வாய்ப்புள்ளது.

Leave a Reply

Your email address will not be published. Required fields are marked *