மாநில நீச்சல் சாம்பியன்ஷிப் : சென்னை வீரர் புதிய சாதனை – Dinaseithigal

மாநில நீச்சல் சாம்பியன்ஷிப் : சென்னை வீரர் புதிய சாதனை

சென்னை வேளச்சேரியில் உள்ள எஸ்.டி.ஏ.டி. நீச்சல் வளாகத்தில் நேற்று தொடங்கிய 76-வது மாநில நீச்சல் சாம்பியன்ஷிப் போட்டியில், ஆண்களுக்கான 50 மீட்டர் பிரஸ்ட் ஸ்டிரோக் பந்தயத்தில் சென்னை வீரர் தனுஷ் 29.23 வினாடியில் பந்தய தூரத்தை கடந்து புதிய போட்டி சாதனையுடன் முதலிடம் பிடித்தார்.

இதேபோல் அவர் 200 மீட்டர் பிரஸ்ட் ஸ்டிரோக் பந்தயத்தில் (2 நிமிடம் 21.60 வினாடி) தனது முந்தைய சாதனையை முறியடித்து புதிய சாதனையுடன் முதலிடத்தை தன்வசப்படுத்தினார்.

தொடர்ந்து நடைபெற்ற 100 மீட்டர் பட்டர்பிளை பிரிவில் சென்னை வீரர் டி.ஆதித்யா 56.93 வினாடியில் பந்தய தூரத்தை எட்டி புதிய சாதனையுடன் முதலிடத்தை கைப்பற்றினார். 50 மீட்டர் பட்டர்பிளை பந்தயத்தில் நெல்லை வீரர் பெனடிக்டன் ரோகித் 25.47 வினாடியில் பந்தய தூரத்தை கடந்து வெற்றி பெற்றார்.

Leave a Reply

Your email address will not be published. Required fields are marked *