புதினா புலாவ் செய்வது எப்படி?

தேவையான பொருட்கள் :

பாசுமதி அரிசி – 1 கப்
வெங்காயம் – 1
உருளைக்கிழங்கு – 1
இஞ்சி பூண்டு பேஸ்ட் – 3 தேக்கரண்டி
கிராம்பு – 2
ஏலக்காய் – 1
பட்டை – 1/2 இன்ச்
நெய் – 1 மேசைக்கரண்டி
உப்பு – தேவையான அளவு

அரைப்பதற்கு…

புதினா – 1 கட்டு
துருவிய தேங்காய் – 2 மேசைக்கரண்டி
தக்காளி – 1/2
பச்சை மிளகாய் – 1

செய்முறை :

வெங்காயம், உருளைக்கிழங்கை பொடியாக நறுக்கி கொள்ளவும். அரிசியை நீரில் 30 நிமிடம் ஊற வைத்து, நன்கு கழுவி, தனியாக வைத்துக் கொள்ள வேண்டும். மிக்ஸியில் புதினா, தேங்காய், தக்காளி மற்றும் பச்சை மிளகாய் சேர்த்து நன்கு மென்மையாக அரைத்துக் கொள்ள வேண்டும்.

குக்கரை அடுப்பில் வைத்து, அதில் நெய் ஊற்றி சூடானதும் ஏலக்காய், கிராம்பு, பட்டை சேர்த்து தாளித்த பின்னர் இஞ்சி பூண்டு பேஸ்ட் சேர்த்து 2 நிமிடம் வதக்கவும். அடுத்து வெங்காயத்தைப் போட்டு பொன்னிறமாக வதக்க வேண்டும்.

வெங்காயம் நன்றாக வதங்கியதும் அரைத்து வைத்துள்ள பேஸ்ட் சேர்த்து, பச்சை வாசனை போக வதக்கவும். அடுத்து அதில் உருளைக்கிழங்கு, உப்பு மற்றும் அரிசியை சேர்த்து 5 நிமிடம் நன்கு கிளறி விட வேண்டும். இறுதியாக அதில் 1 1/2 கப் தண்ணீர் ஊற்றி, குக்கரை மூடி 10 நிமிடம் வேக வைத்து இறக்கினால், புதினா புலாவ் தாயார்.

Leave a Reply

Your email address will not be published. Required fields are marked *