‘ஜகமே தந்திரம்’ படத்தின் டீசரைப் பார்த்து அதிருப்தி அடைந்த தனுஷ் ரசிகர்கள்

கார்த்திக் சுப்புராஜ் இயக்கத்தில் தனுஷ் நடித்துள்ள படம் ‘ஜகமே தந்திரம்’. இப்படத்தை ஏற்கனவே ஓ.டி.டி.யில் வெளியிட முயற்சிகள் நடந்தன. பின் ‘ஜகமே தந்திரம்’ படத்தை தியேட்டர்களில் வெளியிட தயாரிப்பு நிறுவனம் முடிவு செய்ததாக கூறப்பட்டது. ஆனால் அதே பட நிறுவனம் தயாரித்த ‘ஏலே’ படம் ஓ.டி.டி.யில் வெளியாவதால் அந்த படத்தை தியேட்டர் அதிபர்கள் திரையிட மறுத்து விட்டனர். இந்த மோதல் போக்கினால் ‘ஜகமே தந்திரம்’ படத்தையும் ஓ.டி.டி. தளத்திலேயே வெளியிட தயாரிப்பு தரப்பில் முடிவு செய்துள்ளனர். இதனை உறுதிப்படுத்தும் வகையில் நேற்று ஜகமே தந்திரம் படத்தின் டீசர் வெளியிடப்பட்டது. இந்த டீசர் தனுஷ் ரசிகர்களிடையே அதிருப்தியை ஏற்படுத்தி உள்ளது. ஏனெனில் இந்த டீசரில் நடிகர் தனுஷின் பெயர் குறிப்பிடப்படவில்லையாம். டீசரில் தனுஷ் பெயரை குறிப்பிடாததற்கு தனுஷ் ரசிகர்கள் சமூக வலைதளங்களில் கண்டனம் தெரிவித்து வருகின்றனர். நடிகர் தனுஷும் தனது சமூக வலைதள பக்கங்களில் ஜகமே தந்திரம் படத்தின் டீசரை பகிரவில்லை என்பது குறிப்பிடத்தக்கது.

Leave a Reply

Your email address will not be published. Required fields are marked *