சுவையான லெமன் சிக்கன் செய்வது எப்படி?

தேவையான பொருட்கள்:
சிக்கன் – 4 மார்பு துண்டங்கள்
எலுமிச்சை சாறு – 3 ஸ்பூன்
எலுமிச்சை தோல் – சிறிதளவு
சிக்கன் ஸ்டாக் – 2 கப்
கார்ன்ஃப்ளவர் – 2 ஸ்பூன்
பச்சை மிளகாய் -5
வெள்ளை மிளகுத்தூள் – 1/2 டீஸ்பூன்
ஜாதிக்காய் – 1
எண்ணெய் – தேவையான அளவு
உப்பு – தேவையான அளவு

செய்முறை:

சிக்கனை நன்றாக கழுவி அதில் உள்ள எலும்புகளை நீக்கி, எலுமிச்சை சாறு மற்றும் உப்பு தடவி ஊற விடவும். அடுத்து 2 ஸ்பூன் கார்ன்ப்ளவரை நீரில் கரைத்துக் கொள்ளவும். ப.மிளகாயை பொடியாக நறுக்கிக் கொள்ளவும்.

எலுமிச்சைத் தோலினை துருவிக் கொள்ளவும். சிக்கனை கார்ன்ஃப்ளவர் மாவில் நன்றாக பிரட்டி எண்ணெயில் போட்டு பொரித்து எடுக்கவும். அடுத்து தவாவில் எண்ணெய் ஊற்றி பச்சைமிளகாய், வெள்ளை மிளகுத் தூள், உப்பு, ஜாதிக்காய், துருவியஎலுமிச்சைத் தோல், சிக்கன் ஸ்டாக் போன்றவற்றினைப் போட்டு வேகவிடவும்.

இதில் கார்ன்ஃப்ளவரை ஊற்றிக் கலந்து வேகவிட்டு இறக்கி, சிக்கனைப் போட்டு மீண்டும் எலுமிச்சை சாற்றினை ஊற்றி இறக்கினால் லெமன் சிக்கன் ரெடி.

Leave a Reply

Your email address will not be published. Required fields are marked *

error: Content is protected !!