• October 21, 2019
0 Comments

பிரபல இந்தி நடிகர் ஷாருக்கான் மும்பையில் வெளியாகும் தமிழ் படங்களை தவறாமல் பார்க்கிறார். ரஜினிகாந்த், கமல்ஹாசன் உள்ளிட்ட தமிழ் நடிகர்களுடன் நெருக்கமான நட்பும் வைத்துள்ளார். சமீபத்தில் இயக்குனர் அட்லியும் ஷாருக்கானும் சந்தித்த புகைப்படங்கள் சமூக வலைத்தளத்தில் வெளியானது.

தனது டுவிட்டர் பக்கத்தில் ரசிகர்களுடன் அடிக்கடி கலந்துரையாடுவதை ஷாருக்கான் வழக்கமாக வைத்துள்ளார். தற்போது ரசிகர்களுடன் அவர் உரையாடியபோது அதில் சில தமிழ் ரசிகர்களும் இணைந்து கேள்விகள் எழுப்பினார்கள். விஜய் குறித்து ஒரு வார்த்தையில் சொல்லுங்கள் என்ற கேள்விக்கு அற்புதமானவர் என்றார்.

அஜித்குமார் பற்றி ஒரு வார்த்தையில் சொல்லுங்கள் என்ற கேள்விக்கு எனது நண்பர் என்று பதில் அளித்தார். இதுபோல் தனுஷ் குறித்து ஒரு வார்த்தையில் சொல்லுங்கள் என்று இன்னொரு ரசிகர் கேள்வி எழுப்ப-அதற்கு நான் நேசிக்கும் நபர் என்றார். எதிர்காலத்தில் நேரடி தமிழ் படத்தில் நடிப்பீர்களா? என்ற கேள்விக்கு நடிப்பேன். ஏன் என்றால் அந்த மொழி எனக்கு மிகவும் பரிச்சயமாகி விட்டது” என்று பதில் அளித்தார்.

Leave a Reply

Your email address will not be published. Required fields are marked *