• October 21, 2019
0 Comments

தீபாவளிக்கு திரைக்கு வரும் விஜய்யின் பிகில் படத்துக்கு ரசிகர்கள் மத்தியில் எதிர்பார்ப்பு ஏற்பட்டு உள்ளது. இதில் விஜய் தந்தை, மகனாக 2 வேடங்களில் வருகிறார். நாயகியாக நயன்தாரா நடித்துள்ளார். அட்லி இயக்கியுள்ளார். ஏ.ஆர்.ரகுமான் இசையமைத்துள்ளார். பெண்கள் கால்பந்து விளையாட்டை மையாக வைத்து படத்தை எடுத்துள்ளனர்.

படத்தின் பாடல்கள் வெளியாகி வரவேற்பை பெற்றுள்ளன. பிகில் டிரெய்லர் வருகிற 12-ந்தேதி வெளியாகும் என்றும் படக்குழுவினர் அறிவித்தனர். தீபாவளிக்கு 2 வாரங்களே உள்ளதால் படத்தின் தொழில் நுட்ப பணிகள் ஸ்டுடியோக்களில் இரவு பகலாக முழு வீச்சில் நடக்கின்றன. இந்த பணிகள் முடிந்ததும் தணிக்கை குழுவுக்கு அனுப்பவுள்ளனர்.

இந்த நிலையில் பிகில் படத்தின் புதிய போஸ்டரை படக்குழுவினர் சமூக வலைத்தளத்தில் வெளியிட்டனர். அதில் விஜய்யும் அவரை திருமண கோலத்தில் இருக்கும் நயன்தாரா ஓரக்கண்ணால் பார்ப்பது போன்றும் காட்சி உள்ளது. இந்த போஸ்டரில் விஜய் மிகவும் இளமையாக இருப்பதாக ரசிகர்கள் வலைத்தளத்தில் மகிழ்ச்சியை வெளியிட்டு வருகிறார்கள்.

Leave a Reply

Your email address will not be published. Required fields are marked *