• August 24, 2019
0 Comments

ஆப்பிள் நிறுவனம் இந்த ஆண்டு செப்டம்பரில் அதன் மூன்று புதிய ஐபோன்களை அறிமுகப்படுத்தும் என்று எதிர்பார்க்கப்படுகிறது. ஆப்பிள் அதன் வரவிருக்கும் ஐபோன் 11 போன்களின் பெயரை மாற்றக்கூடும் என்று தெரிவித்துள்ளது. ஆப்பிள் நிறுவனம் தனது வரவிருக்கும் ஐபோன் 11 தொடரின் பெயர்களை பகிர்ந்து கொள்ளாமல் இருப்பதையும், தற்போது வெளியாகியுள்ள “ப்ரோ” தகவலை வைத்து பார்க்கும் போதும், நிறுவனத்தின் வரவிருக்கும் ஐபோன்களுக்கு ஐபோன் 11, ஐபோன் 11 ஆர் மற்றும் ஐபோன் 11 ப்ரோ என்கிற பெயர்கள் சூட்டப்படும் என்றே கருத தோன்றுகிறது.

கூறப்படும் ஐபோன் 11 ப்ரோ ஆனது கடந்த ஆண்டு வெளியாகி வெற்றிபெற்ற ஐபோன் எக்ஸ்எஸ் மேக்ஸ்-ன் மேம்பபட்ட பதிப்பாக இருக்கலாம் என்றும், அது வைட் ஆங்கிள் லென்ஸ, டெலிஃபோட்டோ லென்ஸ் மற்றும் அல்ட்ரா வைட்-ஆங்கிள் லென்ஸ் ஆகியவற்றைக் கொண்ட மூன்று பின்புற கேமரா அமைப்பை பெற வாய்ப்புள்ளது என்றும் எதிர்பார்க்கப்படுகிறது. இதர அம்சங்களை பொறுத்தவரை, ஐபோன் 11, ஐபோன் 11 ஆர் மற்றும் ஐபோன் 11 மேக்ஸ் அல்லது ஐபோன் 11 ப்ரோ ஆகிய மூன்று ஐபோன் மாடல்களும் முறையே 5.8 இன்ச் ஓஎல்இடி டிஸ்ப்ளே, 6.1 இன்ச் எல்சிடி டிஸ்ப்ளே மற்றும் 6.5 இன்ச் ஓஎல்இடி டிஸ்ப்ளேவை கொண்டிருக்கலாம்.

இது தவிர, ஆப்பிள் தனது ஃபேஸ் ஐடி அம்சத்தை மேம்படுத்தவும், அதன் Lightning port-ஐ அதன் 2019 ஐபோன்களில் தக்கவைக்கவும் வாய்ப்புள்ளது. எதிர்பார்க்கப்படும் விலை நிர்ணயத்தை பொறுத்தவரை ஐபோன் 11 மாடல்கள் ஆனது ரூ.101,990/- என்கிற புள்ளியில் இருந்து தொடங்கலாம். வரவிருக்கும் ஆப்பிள் ஐபோன் 11 தொடரின் கீழ் வெளியாகும் ஐபோன் 11 ப்ரோ ஆனது வேகமான Refresh rate கொண்ட ProMotion Display, கூடுதலாக பணம் வசூலிக்காமல் Fast charging ஆதரவு, ஆப்பிள் பென்சில் ஆதரவு, மேம்பட்ட கேமராக்கள் மற்றும் குறைவான விலை நிர்ணயம் போன்றவைகளை கொண்டிருந்தால், எதிர்பார்த்ததை விட பெரிய அளவிலான வெற்றிகளையும், வியாபாரத்தையும் நிகழ்த்தும் என்கின்றனர் தொழில்நுட்ப வல்லுநர்கள்.

Leave a Reply

Your email address will not be published. Required fields are marked *