• August 24, 2019
0 Comments

ஓசூர்,

பேரிகை போலீசார் பேரிகை – மாஸ்தி ரோடு புட்டப்பசாமி கோவில் ஆகிய பகுதிகளில் ரோந்து பணியில் ஈடுபட்டிருந்தபோது, அங்கு சந்தேகப்படும்படியாக 4 பெண்கள் நின்று கொண்டிருந்தனர். போலீசார் சந்தேகத்தின் பேரில் அவர்களை பிடித்து சோதனை செய்தனர். அப்போது, அவர்கள் ஒரு கிலோ கஞ்சா விற்பனைக்காக வைத்திருந்தது கண்டுபிடிக்கப்பட்டது.

இதையடுத்து கஞ்சா வைத்திருந்ததாக வேப்பனப்பள்ளி அருகே உள்ள தீர்த்தம் பகுதியை சேர்ந்த மாரக்கா (வயது 52), முனியம்மா (32), அமராவதி (32), பத்மா (60) ஆகிய 4 பெண்களை போலீசார் கைது செய்தனர்.

இதே போல பேரிகை போலீசார் ரோந்து பணியில் ஈடுபட்டபோது அப்போது கஞ்சா விற்றதாக பேரிகை அண்ணா நகரை சேர்ந்த ஜொன்னப்பா என்கிற கொண்டன் (30) என்பவரை கைது செய்தனர். அவரிடம் இருந்து ½ கிலோ கஞ்சா பறிமுதல் செய்யப்பட்டது.

Leave a Reply

Your email address will not be published. Required fields are marked *